Dara hUrlár

Tríú hUrlár

Seomrai Ceardlainne

Sa spás ceardlainne bíonn ceardlanna ealaíne agus ceoil go rialta againn do pháistí agus do dhaoine fásta le Gaeilge. Tagann Comhluadar, grúpa tacaíochta do theaghlaigh Ghaeilge, le chéile ansin uair sa mhí. Bíonn ranganna seachtainiúla Gaeilge ansin a riarann do gach leibhéal agus a dhíríonn ar chomhrá agus shiamsaíocht chomh maith le ranganna ealaíne agus ceoil.

Ar na grúpaí eile atá lonnaithe sa Chultúrlann tá:

Comhluadar
Uair sa mhí a thagann Comhluadar, scáthghrúpa na dteaghlach Gaeilge, le
chéile. Bíonn gníomhaíochtaí ealaíne agus ceoil ann do na páistí chomh maith
le laethanta amuigh, agus deis ag tuismitheoirí caidreamh a dhéanamh ag ól
cupán tae. Bíonn fáilte roimh theaghlaigh Ghaeilge.

Cór Loch Lao
Aon chór Gaeilge Bhéal Feirste a tosaíodh sa Chultúrlann in 2001. Á stiúradh ag an Dr. Mánas Ó Baoill, mheall sé suas le caoga ball chuige ó Éirinn agus ón choigríoch. Cór ceithre pháirt atá ann a thagann le chéile gach oíche Mháirt le rogha ilghnéitheach cheoil chóir, traidisiúnta agus comhaimseartha, a chleachtadh. Cuirtear fáilte roimh bhaill úra i rith na bliana agus gheobhaidh foghlaimeoirí Gaeilge taca teanga. Rinne Cór Loch Lao a lán léirithe poiblí go dtí seo agus tá ceangail cheoil déanta aige le cóir cheilteacha eile in Éirinn, sa Bhreatain Bheag agus in Albain.

An Ciorcal Amhránaíochta, Lucht Ceolta Tíre
Dóigh neamhfhoirmiúil le hamhráin Ghaeilge a chomhroinnt. Tagann daoine a bhfuil spéis acu san amhránaíocht le chéile an Domhnach deiridh de gach mí le hamhráin thraidisiúnta Ghaeilge a theagasc, a fhoghlaim agus le sult a bhaint astu. Cuirtear fearadh na fáilte roimh gach cineál Gaeilgeora. Imeacht breise den chiorcal seo is ea An Fhéile Amhranaíochta - imeacht bliantúil anois le taca Iomairt Cholm Cille, agus amhránaithe ó cheantair uile Ghaeltachta na hÉireann agus na hAlban ag teacht ann a theagasc amhrán óna gceantair féin. Chomh maith leis na ceardlanna bíonn ceolchoirm phoiblí ann agus ciorcal amhránaíochta neamhfhoirmiúil.

barr