Dara hUrlár

Tríú hUrlár

Fáilte go dtí an Chultúrlann

Comhartha sóirt ar spéirlíne Iarthar Bhéal Feirste le breis agus céad bliain, tá Cultúrlann McAdam Ó Fiaich, 216 Bóthar na bhFál, i gcroílár phobal Gaeilge Bhéal Feirste. I 1991 a bunaíodh í i seaneaglais Phreispitéireach an Phríomhbhealaigh, agus ainmníodh í as Roibeard McAdam, fear gnó Preispitéireach a bhí ar cheannródaithe athbheochan na Gaeilge i mBéal Feirste sa 19ú céad agus Tomás Ó Fiaich, crann seasta na Gaeilge san fhichiú céad.

Sa lá inniu tá bialann 130 suíochán sa lárionad 3 urlár cultúir agus ealaíon, amharclann/fairsing chomdhála 110 suíochán, dánlann Gerard Dillon áit a mbíonn taispeántais ar bhonn rialta, siopa leabhar/bronntanas a riarann ar lucht spéise Gaeilge agus Gaelachais. Is ann fosta atá ionad oifigiúil eolais turasóireachta a chuideoidh leat, i measc rudaí eile, cóiríocht a shocrú i mBéal Feirste.

Le Teacht orainn
Ag teacht ó lár an bhaile (Sráid na Banríona), stopann na busanna uilig taobh amuigh den Chultúrlann. Is é an chéad stad bus é tar éis ghabhal Bóthar na bhFál agus Broadway. Nó, tóg tacsaí dubh ón ionad paisinéirí úr, Gabhal an Chaisleáin. Arís, téann siad uilig thar an Chultúrlann. Tá go leor comhlachtaí príobháideacha tacsaí gar don ionad freisin, mar sin níl aon deacracht maidir le tacsaí a fháil abhaile san oíche.

cliceáil go bhfeice tú lánméid >>

Páirceáil
Tá páirceáil ar fáil ar na sráideanna thart fán ionad.
Is ionad inrochtana í an Chultúrlann.

Ionad Comhdhála
Tá an Chultúrlann ar fáil don phobal mar ionad cruinnithe/comhdhála.
Déan teagmháil le Lára ag 028 9096 4180 nó ag: oifigfailte@culturlann.ie

Liosta Teagmhála
Tá seirbhís eolais poist saor in aisce ar fáil don phobal. Más mian leat cóip de chlár imeachtaí na Cultúrlainne a fháil sa phost, déan teagmháil linn ar ghuthán nó ar ríomhphost.

Maoinitheoirí
Tá Cultúrlann McAdam Ó Fiaich an-bhuíoch as an mhaoiniú a fhaighimid ó na háisineachtaí seo a leanas:

Comhairle Ealaíon Thuaisceart Éireann		Foras na Gaeilge

Comhairle Cathrach Bhéal Feirste		National lottery and DCAL

Department for Social Development

barr